amazombi

äd andre: isch han eigendlisch frei, muss awer trodzdem noch e paar sache mache befor isch misch in die winderfrische ab mach. neweher hann isch de halwe dah ah noch rohre gesäht, endkabbe dief gezoh unn bleche geschnitt weil isch noch a paa von denne franz bausetz unners volk bringe muss, unn dann bin isch zwischedorsch imme lambreddakram am difdele, unn ah' noch protodibbe von neiere smallfrähm-dinger am baue. bagasche han isch schunn ah', die sinn awa kompled behoord unn wohnen im keffig, oder, ah kombledd hoorisch unn drausse uff de jachd no nachediere. dann gäbt's a noch die maddam, die iss awa jo dagsiwwer a unnerwegs. newe dem will isch nägschdes johr jo a radspordlisch noch mo agreiffe unn bin deshalb am dräniere. bei mer im umfeld ging joorelang der spruch: "de s. iss immä an alle fronde offe". isch glab' dess dreffds ganz guhd. isch wüsd jedsd ned wie des gehe solld mid nachwuchs, awer die inschläch kummen schunn näher, isch wees ned wie long isch misch noch wehre konn.

wann du hannewaggel mo rischdisch läse dädsch hädsch gesieh dass du sdehd dass es e keihin iss. der soll uff a schnälle lambretta. isch han do seid hunnerd johr noch brogge von rumlaie, und eigendlisch a noch ganze mopeds. solong die schdehe gehd nix kapudd, also will ich do negschdes johr renne mit fahre. fehld bloss noch die kurwelwell, und dann muss isch e auspuff defor baue. die inselaffe hän jo middlerweile mid schlitzgesteierde zilinnder 37ps. do wer isch ned ganz hikumme, aber unner 30 will isch a ned falle. also klods isch mo stadd nue zu kleggere.

ja wie? bisch du aus laudre? awa e jingeres semeschder, odä? sunscht missden mer uns jo kenne. gebds do noch oder widder a szen' mit rollerscher? isch hon a grad bei der im profil geläs dass du jedserd am bodesee wonsch und dort probleme mit de rennleidung hosch. isch hädd do vielleischd a lösung. schreib' mer mol a pm. on de tumbstone: uffm kalkwärk festival war isch a mol. die weld is eschd a dorf. streng genumme missden dan jo a all dialegd spresche. on alle annere: was iss'n los bei eisch daheem? immä hochdeitsch? des konn jo ball ned sin! edit fräht sisch grad kapud. allewei iss a paked akumm, do han isch in ameriga a keihin vergaser geschdeigert. drei dah hot des jedsd blos gedauert. uff die kolwe die isch for iwwer nem monad kaff han ward isch heid noch. awa der vergaser, iss des e geräd. 39mm, e rischdisches monschder.

schau mal sicherheitshalber in deinem vergaser nach ob da ein av oder ein aq mischrohr drin ist. wenn nicht, also wenn ein mischrohr mit einem buchstaben und drei zahlen verbaut ist, dann ist das auch ein viertaktvergaser. das wäre weniger gut. ansonsten finde ich den schieber total sexy und würde den erst mal testen.

der dialekt ist wie ein sonntagsanzug, denn kann man nicht jeden tag tragen. den seitenhieb in dem du implizit drauf verweist dass das pfälzische kein deutsch sei will ich dir durchgehen lassen. war ja gerade ostern, da muß man nicht wegen so was ausfallend werden. bitte aber drauf achten in zukunft.

schreibst du gehst ins nächsteund gibst noch die größere von dir, du bist unerwünscht, auf deine kommentare kann man verzichten es will dich hier keiner, du hast mit dem hobby vespa eindeutig dein interessengebiet verfehtl, vielleicht solltest du dich lieber mit barbie puppen beschäftigen. finde ich jetzt etwas hart. grundsätzlich denke ich aber auch dass beiträge wahlweise unterhaltend oder informativ sein sollten. manche deiner, davids, mitteilungen haben im einen oder anderen der beiden bereiche noch luft nach oben. kannst du ja mal zu nutzen versuchen.

gugg ehmol do, 's goldene limbursch mit soim doom unn de fischbah. kennsche die noch? ich honn do a kolesch mit demm isch immer farrad faah, der gerald groh, wenn de denne kennsch. de heidegger mähnt ja ah' dass mer sisch die hoimad in de fremde aneischned, des häßt dass nur mer selwer was im kopp orre im herz hod, gonz eigen, wasses so am end gar nimmi gebd, ode ni geb hod. des iss alles ned so trivial. isch komm aus de neh von lautre, unn, ah' wann mich fußball 'n scheißdregg inderessierd, isch krie heid noch 'n sdisch wenn isch an de betze (1.fck) dengk. frijer konnd isch ned schnell genuch weg, unn heid dun mer die aue weh' wenn ich zu long käh' bääm unn kä wald zu sii'e krii. isch ess grad' noch e dos brodworschd.

mir fällt da spontan ein flecken ein von dem man, wenn man diesen gedanken berherzigt, eigentlich nur "hoch" kann. ich schreib' das jetzt hier aber nicht hin, das ist mir zu heikel. außerdem mag' ich manche österreicher ja auch ganz gern'.

auch hier kann, wie so oft, der dialekt helfen: "'nuff" heißt hier nach hamburg, " 'nunner" nach bayern, " 'riwwer" nach paris, und " 'niwwer" nach prag. der schwabe ist ja, nach gängiger wissenschaftlicher einschätzung, der südlichste deutsche mit plausiblem weldbild. der bayer hingegen wähnt sich selbst dem himmel so nah' dass er sogar die farben desselben und seiner wolken in seiner landesflagge verwendet. deshalb muss er, seiner beschränkten einschätzung folgend, "runter" wenn er eigentlich "hoch" will.

do hasche moi midleid. de heidegger mähnd jo die "sproch der sdille" sei allemol dem "geschwäds der grose schdad" vor zu ziije. do gäbts e scheeni passasch ausem langeharder hebelbuch. mer muss zwa, no heidegger, mo wie de fluss ins meer fliise um die kwell schätze zu lernä, awa zur hoimad werd em die fremde donn ofd doch ned. unn wemmer e zwetti hoimad irschendwo hot, vileischd a noch a driddi, awa die sibbzehnd heimad find mer nedd, unn wenn kaffd's enem a kenner mer ab.

wann de dess jedsd ernschd mänsch däd isch mer mol gedongke iwwer doi oore unn doi fähischkeid laude zu differentsiere mache. grad wemmer zwätagder frisierd isses wischtisch dass mer verschiedene geroische ausenanner halde kann.

na alla, deheem iss wo mer die leid kennd, unn fer misch als pälzer iss romandig kernkompedenz. fun doher simmer uf eener welleleng. ps: isch hon ewe grad e mäl no fernost geschiggd, des war rischdisch schwer do ned im dialegd zu schreiwe. do musche uffpasse, die machen sonschd alles no.

so isses jo jedzd a widder nedd. moini iss zwa nedd direggd aussem ord, awa trodzdemm konn isch misch ned beklage. guud, dasse jedsd direkd ausem saalond kummt gebd abzich in de b-nod, awa was willmer mache?

der dialegt iss deel von mäner identidäd, missd isch ah' verbode werre odä was?

was haschen du fer ä frauebild? ich bin newe moine kerperliche vorzich ah bekannd fer moi romandische aquarellimbressione fun sunneunnegäng iwwä thaleischweiler. so ähm kanschd du nedd mid schlambe kumme.

du buggseknaller. jedzerd wäsche endlisch was häse hösscher sinn. do brauchsche käh gelber ungel mä zu lääse.

isch han gedengd es wehr a 28er. wenn ned hasche awä reschd.

du kansch die grense ned hermedisch discht halde, bei uns do laafen nimmi nur lischgeschdalde rum. 's urmaderial iss awär immä noch prachdvoll, unn had a e baamlange pisshammä. dess määdsche aus de haubdsdadd kennd moim scharm sischä nedd widdersdehe.

@andre: dess war a moi oidrugg. isch glabb dass iss a gans haises schneggsche. guuud, in de haupdstadd musche a alle regischder ziä. @tombstone: im fall fun us pälser leihd die ondword uff de hond: des iss um uns for denne annere felger aus zu zeischne. die meischde pälser sinn jo a iwwädorschschniddlisch adragdiv, die scheenheid schlaad sich a sprachlisch niddä.

e drehschiewär. äfach schä. dengdschde dro dass de do ä komisch nodel brauchsch? bei mer iss der mit nigs annerem wie mid der x5er nodel geloffe.

wenn de diä dess bild mol anguggsch wersche deitlich si'e dass es e mädsche iss. unn e hibsches dezu. deshalb fro isch jo ah so inderessierd no.

wie jeds? wo bischen du här? isch bin jeds dorchenanner.

du schraibsch scheiße, isch schraib dialegt. mergsche was?

isch däd des ned so pauschal sa'e. warum iss'n des passierd? isch hon so was noch ni gehadd.

gugg hald emol ob der riss dorschgeed. wenn ned ded isch's a grad abschneide. immä glei schwäse muss jo ah ned sin. isch däd mer awa hald vorhär ah noch mol iwwerlesche wie des iwwerhaupd passiere konnd. nedd dass do was gröweres im arge laid.